هى حكاية وقصة وحدوتة
دايما نهايتها ملتوتة
لان بدايتها مغلوطة
فى الاول بالعسل مخلوطة
حب وحنان وحركات
تقولك ندمانة على عمرى اللى فات
اصل شوفت معاك حاجات
تصحى من نومك على اشتغالات
تلاقى سجلك مليان مسيجات
ورسايل تقولك عايزاك حساك
وفى الجامعة عن الدنيا عزلاك
ومن صحابك وحبايبك وخداك
وعينيها تدمع وتقولك بهواك
وتحلفلك العمر كله هستناك
تروّح تشتغل تانى الرنات
تقولك اكيد انا وحشاك
مع انى كنت لسه معاك
ييجى الليا تسمع الاهات
وتكسب على قفاك الشركات
موبينيل وفودافون واتصالات
يعدى الوقت وهى معاك
تكتشف انها مش عاجباك
بس خلاص الوقت فات
تتحمل وتكمل وكله برضاك
رغم كدة تلاقى المصيبة مستنياك
فارس احلامها الجديد وصل
بالموبيل الجامد وبالعربية حضر
وتبدأ معاه هو الحركات
تقارنك بيه وتقولك معاك
تكون معاه وتقولك مستنياك
واخيراااااا تلاقيها بالجزمة ضارباك
وتقولك متخافــــش مش هنســـــــاك
اصل انت قوى انا عارفاك
وعلى رأى العسيلى تطلع عالرف
وتكون كمان فى اخر الصف
تقولها طب ليـــــــه؟ تقولك مستواك
لا لا لا انا مش عايزاك
وعلى فكرة مش عشانه سايباك
وتطلع كمان مغلطاك
وبكلامها جرحااااااك
وتفتكر فى الاخر انك انت الخسران
وتشيل هم وحزن وقطران
رغم انك والله كسبان
سيبك انت دلوقتى تعبان
بس كمان شوية هتكون برنس الزمان
وطبعا طبعا احسن منها مستنياك
ومن احزانك واخداك
وبين رموشها شايلاك
فى الاول نقى واختاااااار
متكونش سد خانة او هزار
وبعدين حب واتكلم وعيش
لحسن فى الاخر متلاقــــــــــــيش
الأربعاء 18 مايو 2011, 21:54
