قالولي وانا صغير بلدك دي احسن بلد
موقعها ملهوش زي و نيلها احسن مثل
وتاريخها تاريخ مشرف لكل بنت و ولد
دي هي ام الدنيا و جيشها زي الاسد
ده محدش قدر عليها مهما العدو احتشد
لا هكسوس ولا انجليز ولا صهاينة كله اتمسك
والعلم هو حياتنا و مستقلبنا و هو الامل
ومشيت ورا مصطفي كامل و احمد شوقي و الشعر العذب
هعيش و اعمر فيكي لحد يوم الاجل
♥♥♥♥♥♥♥♥♥♥♥
ودارت الايام و كبرت يا جدعان
وبص الاقي بلادي ماشية عكس عكاس
الباطل زي القطر و الحق ملهوش وش وابنها فيها مهان
والكوره هي المجد و الرقص هو العز و العلم فيها جعان
وادور علي تاريخك و مجد بنتيه في بيتك كله في النسيان
وادور علي الرجالة قالولي ده دول عواله و الباقي ده كان زمان
قالولي لسه فاكر ده هم ماتو في الحرب و الباقي دول نسوان
صرخت و قلت لا الراجل فيكي ميموتش اخدوني بالاقلام
قالولي اللي يعلي صوته هيشوف بعينه موته و ياخد علي قفاه
♥♥♥♥♥♥♥♥♥♥♥
قالولي الحق واقف في الزور زي البلغم
و الباطل ماشي يسرح في كل حتة زي البلسم
وصاحب الفكر والمباديء و الشعارات انسان مهزا
حاول تمشي امورك وخليك للدنيا مهيأ
قلتلهم فين كياني قالولي عند امه يا ادهم
قالولي اصحي معانا و اوعاك تلعب بعقلك
قالولي انسي اللي فات و ان الحق في يوم يناسبك
ودي بلدك زي ماهي و عيش فيها ان كان عجبك
مش عجبك سيبها و سافر ولا روح في داهية تاخدك
انما هتعيش فيها والشيطان يلعب في مخك
يباه انت الجاني علي نفسك و هنطلع عين امك
♥♥♥♥♥♥♥♥♥♥♥
اه يا بلدي يا بايعاني و ابنك فيها منحوس
والظلم في كل حتة و الحق شيئ منبوذ
حتي نتيجة تعبي ماهر باعها بالتليفون
وابص الاقي نفسي انا اللي مقصر وانا الملعون
دي عيال فيس بوك و صايعو بيجيبو مزز بالبلوتوث
دي عيال ولا ليها لزمة ولا شكل ولا لون
قولي يا بلدي الحق مين الظالم و مين المظلوم
♥♥♥♥♥♥♥♥♥♥♥
ولادك اهم يا بلدي طلعو يوم 25
حالفين يجيبو حقك وغير عزك مفيش
انا ابنك اللي باقيلك و عندي ربي شهيد
وبدمي هروي ارضك و بدمي اصون عرضك وحياتي متهمنيش
وامي واقفه بتصرخ و الرصاص نازل بيطبش وتقول فداكي العزيز
ولادك اختارو مجدك مجد حقيقي مش تهييس
مش كوره و لا غنوة حلوة او رقصه تعجب الرئيس
وهي دي البداية لحكاية التحرير
الأربعاء 18 مايو 2011, 22:11
