مصر اللي جاية حباية ندي
علي وردة لسة مفتحة
في ايدين عروسة مسرحة
في غيطان بتجري بحرية
ساحراها سنابل ذهبية
علي ارض خضرا مندية
حاميها حمام بيرفرف
طاير في السما و بيرقص
علي غنوة مصراوية
فوق نخل كبير وعالي
مهزوش غلب الليالي
باصص من العلالي
علي زفة قطن ابيض
تحييها قلوب بتنبض
بخير مالوش مدي
يغرق حباية الندي
علي شجرة برتقال ف الوادي
تحتها الناي بينادي
علي صوت كروان بيغني
باسم بلدي وبلد اجداي
بلحن ما يتنسي
يا احلي حباية ندي
الأربعاء 18 مايو 2011, 22:08
